December 12 tariko bilsi rikitan A∙chikrangni dilgipa matgrik saksa Pa Togan Nengminja Sangma ni siani salko manirongbaengagita apsan daken ia bilsiba uni chang 152 gipa siani bilsiko gisik ra·e East Garo Hills Williamnagar ni Chisobibra-o maniangaha. Ia maniaona PHE, Housing aro Soil & Water Conservation ni Minister Marcuise N Marak aro GHADC ni CEM Albinush R Marak mongsonggipa sokgipa ong∙e bak ra∙angaha.
Pa Togan Nengminja Sangma India a∙songko British rangni jakoni jakgitel ong∙atna an·tangko on·kange kamko ka∙angaha aro A∙chik jatko gipin a∙songni sason ka∙giparangoni naljokatnaba Sangma manderangko ku·mongdile didiangaha ine Marcuise Marak jinmana aganangaha.
GHADC ni CEM Albinush R Marak, GHADC ni Deputy CEM Nikman Ch Marak aro Pa Togan Nengminja Sangma Mahari Association (PTNSMA) ba dongpae ia manianio bak ra∙angtokaha. Ia maniaona sokbagipa sakantiko mande ra∙ani aro mitelpilskaani kattako Secretary Arun N Marak aganangaha.
