Garoland State Movement Committee (GSMC) H.Q Tura Home Guard traffic volunteers ka·giparangna uamangni man·a nanggnigipa ja bonga-ni dormaharangko on·kujaenganina Home Minister-na chittiko sedoataha.
Home Guard traffic volunteer-rangna sorkari salprako gong 550 ko on·a tik ka·genchimoba uamangni ku·rachaka gita on·gijani a·selo bang·a neng·nikanirangko man·enganiko GSMC dol janapangaha.
Uamangni pilak neng·nikanirangko niate traffic volunteer rangni man·a nanggni dormaharangko ta·rake on·china aro ja antian on·chinaba GSMC-ni Asst. Environment Secretary Silbirth A Sangma Home Minister-o mol·molangaha.
