West Garo Hills a·jani Gambegre block-ni ning·ao ga·akgipa Rerapara songni Forest Reserve-oniko bol cha·ue salgipa gari bolsako NGO dolrang rim·aha.
Ia obosta mijal walni 11:45 mang somoini bako ong·aha jeon GSU CEC aro GSMC dol koborangko man·soe a·damona re·ange bol cha·ue gariona gatengmitingko nikena man·aha. NGO dolrangko nike bol cha·una jotton ka·enggipa manderang bol aro gariko gale katangaha ine parakataha.
Bolko cha·ue salangna am·enggipa gariba number plate dongijagipa ong·a.NGO dolrang uamangni rim·a man·gipa bol aro gariko Tura Forest Range GHADC-ni jako pakwate donbaha ine koborna parakataha.
