Bhubaneshwar-o ong·atgipa chang 39-gipa National Junior Athletics Championship-o South Garo Hills, Karukol Jalaigre-oni bilsi 12 ong·gipa Rikangku D. Sangma, U-14 Javelin goanio bronze medal-ko cheaha. Meghalaya a·dokna, ian national gadango athletics-ni a·bao bilsi 25-ni ja·mano medal man·taiani ong·a. 1999 bilsio U-16 boys’ 2000m race-o Meghalaya-na Beningstar Lyngkhoi bronze medal-ko man·e on·aha.
Rikangku-ni javelin goani bakroa 51.91m mang ong·e chel·e tang·ataha. Sangma, jagittamna a·dokni Sports & Youth Affairs Department-ni namen sapgipa athletics coach aro MAA-ni Joint Secretary ong·enggipa Pleasantly Synnah-ni ning·o donge an·tangko tariaha. Ua javelin-na agreba Triathlon B jekai 60m race, long jump aro shotput-o bakko ra·aha jeon ua ia kal·anirangoba 14-gipa gadangona sokdoaha.
Jasa skang ua East Zone Junior Athletics Championship-o javelin gosusaanio Silver-ko man·aha aro triathlon-o 4-gipa ong·aha.
