Salgnini Ex-Servicemen Rally ko December 9 aro 10 tariko SMELC Dakopgre, Tura-o Zila Sainik Welfare Officer, West Garo Hills, Tura nigita ong·atanga. Ia tom·anio Kharkutta-ni MLA Rupert Momin mongsonggipa ong·e sokbaan baksana Meghalaya Board of School Education (MBOSE), Tura-ni Executive Chairman C P Marak, Zila Sainik Welfare Officer, West Garo Hills, Col MM Singh (Retd) aro gipin officerrangba bak ra·angtokaha.
Ia tom·anio Ex-Servicemen (ESM) rangni an·tangtangko on·kange kamrangko ka·anina Rupert Momin de·mittelangaha aro mikkangchiba uamangna dakchakanirangko on·angchina Zila Sainik ko didiangjolaha.
Ia Ex-Servicemen Rally ko dingtang mancha ESM, segri me·chikrangna aro iano pangchakgiparangna ong·ataha ine Zila Sainik Welfare Officer Col MM Singh (Retd) janapangaha. Directorate of Sainik Welfare and HQ 101 ni gita CSD Canteen aro Medical OPD counter rangkoba ia programo tarie on·angaha.
Unbaksana 1971 War ni Ex-Servicemen, segri me·chikrang aro Veernaris rangna boksis rangko Rupert Momin ni jakchi ia rally o on·angaha.
