A·doko chugipa gadangni karkana rangko ra·bana aro kajina man·anirangko baridapatna kamrangko ka·anina 2024 bilsini Outstanding State Industrial Development Corporation (SIDC) Award ko Meghalaya Industrial Development Corporation (MIDC) man·baaha. Ia award on·ani programko Guwahati, Assam-o ong·ate Council of State Industrial Development & Investment Corporations of India (COSIDICI) nigita MIDC-ni Chairman James Sangma na pakwatangaha.
Indakgipa award ko man·anian a·dokna namen rasong chabeani ong·a aro ia gadango chu·sokanina dingtang mancha COSIDICI aro MIDC-o pilak kam ka·giparangni bimchipe kam ka·anina Sangma mittelpilskaangaha.
North Garo Hills Mendipathar-o batanggimin somoio Pepsi aro dingtang dingtang ringani bosturangko tarichakani karkanako riknagita M/s Varun Beverages Ltd na Meghalaya Industrial Development Corporation (MIDC) kamrangko ka·na daitoko on·angaha jean mikkangchi jolni sak 500 manderangna kam bikote on·ani aro Garo Hills ni chu·gimik tang·doaninaba dakchakani ong·anggen.
