Da·al salo South West Garo Hills, Ampati Multi-Facility Centre-o Self Help Group Loan Mela cum Gender Campaign-ko Meghalaya State Rural Livelihood Society (MSRLS) ong·atangaha.
Ia programko Self-Help Group (SHG) dolrangko bilakdapatna aro me·a ba me·chikrangko apsangrik ong·e ra·chakaniko dakna miksonge IPS, Superintendent of Police Vikas Kumar, Project Director R. Z. Shira, Additional Deputy Commissioner, bank-ni official rang jekai BM-MCAB, BM-SBI, One Stop Centre-ni dilgiparang baksana SWGH-ni dam gittam Block-ni Self Help Group-ni manderangba ia program o bakko ra·angtokaha.
Ia program o Financial Inclusion (FI) Cadres, Community Gender Health Advocates (CGHAs) aro Cluster Level Federations (CLFs) dolrangko SHG rangko ra·dona dingtangmancha on·gilanina mande ra·anikoba dakangjolaha. South West Garo Hills-ni ning·o donggipa dingtang dingtang bank-ni branch-rangoniko ge 156 SHGs dolrang gong 7,25,40,00 crore-ni loan rangko on·a ra·chakaniko man·e uamangni janggi tangani cholrangko nambata gadangona ra·dona dakchakangaha.
Meghalaya State Rural Livelihood Society (MSRLS) nigita songadam nokadamrango tangka paisarangni bidingo, changa sapaniko aro me·a me·chik dolrangna apsangrik ong·e bilakdapatna rake kamrangko ka·angenga.
