A∙dokni reservation policy-ni bidingo chanchirimna Tura songjinmaona da∙al salni bako Expert Committee baksa Garoland State Movement Committee (GSMC) ni golpogrikanio uamang maming dakeba A∙chik jatna dongimin reservation ko dingtangatjachina aganangaha ine GSMC ni Co-Chairman Balkarin Ch Marak parakataha.
GSMC ge∙sa Garoland na dabigipa dol ong∙ani gimin A∙chikrangna dongimin 40% reservation ko man∙kuaigenchimode Garoland na dabianiko dontongangenma ine Expert Committee-ni dilgiparang uamangko sing∙doaniko dakangaha. Uamangni sing∙anina, Meghalaya a∙doko apsan donga dipet A∙chik rangna dongimin 40% ko maming dingtanganiko nangnikjaniko janapani gisepo, mikkangchiba Garoland na dabianiko dakangkuna miksonganiko Marak aganchakangskaaha.
