Da·al pringo West Garo Hills Tura Danakgre-ni Tree House Resort-o skanggipa changna Sky Cycling-ko jinmana ba tourist rangna, GHADC- ni Deputy CEM, Nikman Ch Marak-ni jakchi oprake on·angaha. Ia somoio Tura State Bank of India (SBI) Bank Manager-ba dongpae bakko ra·angaha.
A·doko skanggipa Sky Cycling ra·baanichi tourism-ni a·bao niksenganiko aro namdapataniko ra·baani ong·gen ine Nikman Ch. Marak aganangaha. Unbaksana, dingtang dingtang biaprangoni a·damko nina re·bagiparangna adventure ba dakronggijagipa aro nikronggijagiparangko dake nina gisiko nanggipa rangna dakchakaniko on·an baksana kengipa manderangnaba ka·donganiko ra·bagen ine Marak agankuaha.
Sky Cycling-ko da·al salo oprakanio mongsonggipa sokgiparang aro gipin manderangba skanggipa changna sale niangtokaha.
