Mijal sal November 20 tarik walni bako National Highway 51-ko a·palatna tarienggipa Rongkhon-Chitoktak rama Deranggitimo kam ka·engmitingo chi salgipa siltongko cho·prumanaha.
Ia obosta mijal walni 7:30 aro 8:30 bajini gisepo ong·aha jekon kam ka·enggipa Excavator gari cho·prumane re·ruragiparangna neng·nikaniko on·aha. Ia siltonggita Rongkhon chibisikoniko Tura-ni Bishop House-ona salanggipa ong·a aro songjinmani bang·a nokdangrang salantini nanganina jakkaltoka.
Mikkangchi neng·nikanirangko chagrongna nangjanagita da·al pringni somoio chi siltong bretgipako taripile on·aha.
