South West Garo Hills Volleyball Association aro Ampati District Sports Office apsan bakrime Ampati kal·chakram biapo mijal salni bako 2024 Volleyball tournament ko ong·atanga. Ia tournament ni gita nambatgipa volleyball kal·na sapgiparangko nitee Meghalaya Games 2025 na seokaniko dakjolna ongatangjolaha.
Ia tounament-o a·jaoni sak 15 me·asa dolrang aro sak 8 me·chik dolrang re·bae bakko ra·e kal·susaaniko dakangaha.
Me·chik dolrang-oni Mustang Ladies dolrang Sangma Marak Mix Team baksa susagrike chegipa ong·aha. Tachi M. Marak an·tangni kal·na sapani mesokange me·chik dol-o Best Player ni award ko man·aha.
Me·asa dolrangoni Lions Volleyball Club, Andra dol baksa susaange skanggipa gadangko man·aha. Alan Ch. Marak ni name kal·aniko dakmesokange Best Player award ko me·asa dolni gisepo man·aha.
Indakgipa tournament ko ong·atanichi a·jao songdonggipa chadamberangni volleyball kal·anio dal·a gadangona ra·doatna namgipa chol ong·anikoba mesokangaha.
