Da·al salo, Umiam lake-o chioni re·chakatna aro ong·onchakna man·gipa sildorengko bildoate mesokgipao ma·mongoni Ministry of Civil Aviation-ni Minister Kinjarapu Ram Mohan Naidu, Chief Minister Conrad Sangma aro Deputy CM Sniawbhalang Dhar-ni dongpaanio bakko ra·angaha.
Ia sildorengko Umiam chioni kan·dikbea somoina bildoatenba sale mesokangaha jeon Minister-rangba gadopae niangaha. Sildorengko bilchakate nianiara Ministry of Civil Aviation-ni UDAN Scheme-ni ning·o jako ra·enggipani bak ong·a jeon a·agita aro chigita re·na man·gipa sildorengrangko jakkale a·agita bosturangko ra·ruraaniko sandidapna ba nambatatna man·a kam ka·enggipa ong·a.
