56-Gambegre constituency bye-election pu·onnani da·al pring 7 bajioni maming neng·nikanirang donggija a·bachengna man·aha.
Da·o dipet pring 7 bajioni 9 bajiona pu·onna re·bagipa chu·gimik 27% mang manderang gisiko nange bakko ra·angtokaha.
Pu·onna a·bachengao 39-Rongkhon Songgittal L.P school pu·onchakgipa biapo VVPAT-ko adita ong·gijanirang dongani a·selo dingtangko boldolna nangaona sokaha. Unbaksana, 51-Dilniduara pu·onchakramo EVM-o adita technical obostarangko chagronge dingtang EVM-ko bodolaha. Una agrede da·o dipet koborrangko talbate u·ina jotton ka·angenga. Pu·onnani attam 4 bajiona joljol ong·angkugen.
