Re∙baenggipa November 13 tariko Gambegre bye election ong∙nasienggipana adita jarangonin dingtang dingtang political party jekai National People’s Party, Congress, Trinamool Congress, Bharatiya Janata Party aro Independent dolrangoni susana amenggipa candidate rang campaign ka∙angtoke da∙al salo bon∙chote uamangni wenaniko dakangaha.
Ia bye election-o NPP ni Mehtab Chandee A Sangma, TMC ni Sadhiarani M Sangma, Congress ni Jingjang Marak, BJP ni Bernard Marak, Independent ong∙e Jerry Sangma aro Sengkrabirth M Marak susaangtokenga jekon November 23 tariko pu∙onggiminrangko chananiko dakanggen. Ia bye-eletion ko MLA ong∙e dongenggipa Saleng Sangma-ni Tura-ni MP seat-ko cheangani ja∙mano ong∙atna nangao ga∙akaha.
