Re·baenggipa Gambegre bye-election o susanasienggipa NPP party-ni Mehtab Chandee A Sangma-ni jajrenggija chena ka·dongsoaniko Education Minister Rakkam A Sangma parakataha. Mehtab Chandee-na chakgiparang salantian batrikrikenganian, manderangni NPP dolko namnikaniko mesokani ong·enga ine Rakkam Sangma aganangaha .
Batanggimin 2023 bilsini MLA election-o Gambegre Constituency-ni manderang Saleng Sangma-ko Congress party-ni bilna ka·donge seokangaha. Indiomangba NPP dolni sorkariko bilake dilaniko nike manderang NPP dolni dilaniko nangnike aro ka·donge pu·ontokgen ineba Rakkam Sangma agandapangaha.
Gambegre bye-election o susanasienggiparang NPP party-oni Mehtab Chandee, Congress doloni Jingjang Marak, AITC-oni Sadhiarani Sangma, BJP doloni Bernard Marak, Independent-o Jerry Sangma aro Sengkrabirth Marak ong·a. Bye-election ko re·baenggipa November 13 tariko ong·atanggen.
