Gambegre bye-election o susanasienggipa pilak candidate-rangni nomination file ka∙ani ja∙mano scrutiny ka∙e nipilanio sakantian kakketgipa ong∙aniko aro maming jegalani grianiko Election Department mijal salo parakataha. Ia bye-eletion ko MLA ong∙e dongenggipa Saleng Sangma-ni Tura-ni MP seat-ko cheangani ja∙mano ong∙atna nangao ga∙akaha.
Gambegre bye-election o susanasienggiparang NPP party-oni Mehtab Chandee, Congress doloni Jingjang Marak, AITC-oni Sadhiarani Sangma, BJP doloni Bernard Marak, Independent-o Jerry Sangma aro Sengkrabirth Marak jerangan gital unbaksana chadamberangba ong∙a. Bye-election ko re∙baenggipa November 13 tariko ong∙atna tik ka∙aha aro November 23 tariko pu∙onggiminrangko chananiko dakanggen.
Nomination-ko ra∙pilna sikgenchimode bon∙kamgipa tarikko October 30-ko donataha.
