A·dok sorkarini ‘Cabinet On The Move’ ine done re·mikkangenggipako Chief Minister Conrad Sangma-ni dilanichi NGH Resubelpara-o Cabinet Minister-rang tom·e adita kamrangni bidingo chanchirimangaha.
Meghalaya Private Medical Institution Ordinance & Meghalaya Medical College Regulation & Admission into MBBS course 2024, ia gital ge·etaniko Cabinet ra·chakangaha. Iachi, private medical college-rangni chalaianiko aro Meghalaya-o MBBS course-na admission ra·aniko nirokanggen jean Governor-ni soi ka·a ja·mano a·bachenggen.
Iani bidingo Regulatory Commitee-ko songanggen jeon fee-rangko tik ka·gen, reservation policy-ko ra·gatanggen aro sorkarini dongimin niamgita admission-na seat-rangko on·ani bidingo kam ka·anggen. USTM-ni P. A. Sangma Medical College-koba ru·utgija somoio a·bachengatna miksonganiko u·iatangaha.
Sorkario kam ka·enggiparangna rental housing scheme-ni namgniko on·a dongchakani nokrangko ba quater-rangko tariani niamko cabinet ra·chakangaha. Iako Housing Department uamango donggipa gamjinrangko niroke nangan somoirango kutturirangko ba gipin rika cho·anirangko taridapna bil man·anggen.
Iasan ong·gija upper age limit-koba bilsi 45-ona ra·doataniko a·dok sorkari ra·chakangaha jeon SSA skulo skienggiparang L.P, U.P, Secondary aro Higher Secondary skulrango kam nakatgipao dorgastoko galatna man·gen. Unbaksana, project-rangko kam ka·e
Human Capital Development-ko ra·dona Asian Development Bank-oniko loan ra·na am·enggipako cabinet ra·chakangaha. Iano, 90 percent-ko a·dokna chamatgen jekon ma·mong gamtaiatgen aro 10 percent bakkode a·dokoni nirokskagen.
