District Basketball Association (DBA) Tura-ni ong·atenggipa Open Basketball Tournament-o me·asarangni semi final kal·aniko mijal salni bako Don Bosco College-o Sangkni aro Kawate dolni gisepo susagrikangaha.
Semi final-ko Kawate dol 72-58 basket-rangchi Sangkni dolko amate me·asarangni category-o skanggipa final-ona sokdochenggipa ong·aha. Kal·aniko nina Open Basketball Tournament-ko sokachakenggipa DBC-ni chatro chatrirangsan ong·aigija basketball kal·na aro nina namnikgiparang bang·aan sokbatokaha. Semi final-o dolgnian bil ama dipet krenge jotton ka·beahaoba bon·kamao Kawate dol chena man·aha. Ia tournament-ni final-ko October 25 tariko ong·atna tik ka·enga.
Me·chik dolrangni skanggipa semi final kal·aniko da·al salo Kawate aro Surmount-ni gisepo kal·angskagen.
