West Garo Hills a·jao National De-worming Day ko gisik ra·agita a·jani pilak schoolrangni chatro chatrirangna aro Aganwadi centre rangni bi·sarangna jemangan bilsi 1 oni bilsi 19 o ga·akgiparangna Albendazole tablet samrangko suale on·angaha.
Ia National De-worming Day ko ong·atani miksonganiara bi·sarangko sabisi ong·atgipa jo·ongrangoniko naljoke rakkinagita sabisioniko champenggipa samrangko suale on·ananiko dakangaha. Bibikrango donge janggi tanggipa jo·ongrangni a·selo bi·sarangni be·en bimangnigita dal·roroani aro an·seng baljokaniko champenganiko nikna man·e somoigita ia jo·ongrangoni naljoke dongna samrangko jakkalna nanganiko janapangaha.
Ia samrangko jakkalana agreba rongtal an·talaniko aro mi cha·na skang aro ki·chak subuchakani ja·mano jaksuna nangchongmotna nanganikoba dakchina ge·etangaha.
