Re·baenggipa Gambegre bye-election o Independent ong·e susanagita Sengkrabirth M Marak da·al salo nomination file ka·angaha. Ia somoio Marak-na bakrimpaaniko mesokna una chakpagipa manderangba re·bae bakko ra·angtokaha.
Ia nomination file ka·ani ja·mano, uko manderang seokgenchimode mikkangchi constituency-o nangchongmotgipa kamrangko chu·sokatna jotton ka·anggen ine Marak aganangaha. Dal·dalgipa party rang baksa susagrikna nanganiko janapengon, Marak an·tangni ka·donganiko anganan baksana election-o cheaniara dal·a chonao pangchakja indiba manderangosa pangchaka aro ia gitalgipa chasongo chadamberangan bil wa·samitingon a·dok chigana dangdike on·a nanganikoba aganangaha.
Ia Gambegre bye-electiono Marak NPP ni Mehtab Chandee A Sangma, TMC-ni Sadhiarani M Sangma, INC-ni Jingjang M Marak aro BJP-ni Bernard Marak baksa susagrikanggen.
