Tura songjinmani DRDA Conference Hall-o wilwilao donggipa Nokmarangna Human Development Leadership Program ni bidingo salsana workshop-ko ong·atangaha. Ia workshop o West Garo Hills-ni Deputy Commissioner Jagdish Chelani, DRDA-ni Project Director J R T. Sangma, line department-rangko dilenggiparang aro nokmarang re·bae bak ra·angtokaha.
Human Development Leadership program-ko ong·atani gimin Jagdish Chelani aganengon, ian nokdango sakprak manderangni neng·nikanirangko nirokna, scheme ba program-ko ra·gatanisan ong·aigija songdonggiparangming sorkarini bakrimaniko bilakdapatna a·dokko chalaienggipao ka·donganiko ra·bana miksongenggipa ong·a ine u·iatangaha. Unbaksana, sorkario kam ka·giparangni gisepo ku·cholsan ong·aniko ra·bae apsan miksonganina, nanganina aro neng·nikanirangko olgrokatna kam ka·na didiani ong·a. Multi-dimensional poverty framework-ko dakna nokdangrangni neng·nikanirangko ma·sie manderangni tang·doanina kam ka·na nanga ineba DC aganangaha.
Ia somoio Line Department-ni bakrang jekai Agriculture, Horticulture, AH & Veterinary, MSRLS, DCIC, Education, PM Poshan, JJM, Health, Social Welfare aro gipinrang department-tangni program-rang aro scheme-rangko manderangni namgnina aro man·dapgnina u·iate on·angaha. Registration Branch, Certificate Branch, DRDA, Judicial, Permissions, Disaster Management, Swachh Bharat Mission, Aadhar-rangni bidingo Department aro Branch-rangoniko ra·na man·ani bidingoba workshop-ko ong·atani bako u·iatangaha.
