South Garo Hills, Gare Songmongoni football kal·gipa saksa Bipiush G. Marak, France a·songchina U-17 dolni ning·o kal·na seoka man·e tangka paisarangnigita neng·nikanirangko chagronge dakchakaniko nangenga. Ua Willi M. Sangma aro Sameni G. Marak-ni depante ong·a.
Marak, re·anggipa 2023 bilsini Khelo India Youth Games-o Meghalaya dolna kal·angaha. Unbaksana, India a·songni mingsa niksenggipa aro dal·begipa club Hyderabad FC uni football kal·na sapaniko nike U-17 dolo kal·na rimnapaha.
Marak, songo nokoba football kal·anio namen niksenggipa ong·a. Da·o uni jotton ka·ani baksa changa sapanichi France a·songona kal·na seoka man·aha aro ru·utgija salrangni gisepon re·angnasiengaha. Indake ong·genchimoba ua tangka paisarangnigita neng·nikaniko chagrongenga ine songni nokni dilgiparang u·iataha. Saoba una ka·sae dakchakatna sikgenchimode +91 6009151279 number-o ka·e sing·atpachi uamang manderangko mol·molataha.
