A∙chik Literature Society (ALS)-ni bilsiantion ong∙atbaenggipa Writers’ Meet-ko October 25 aro Seminarko October 26 tariko NEHU-ni Garo Department baksa nangrime, North-Eastern Hill University, Chasingre, Tura-o ong∙atanggen.
Iani bidingo A∙chik Literature Society ka∙mao mesokgiminrangko Wrters’ Meet aro Seminaro jinmana poraiatna see ra∙bapachina mol∙molangaha. Bak ra∙na sikgiparang an∙tangtangni segimin poedo, golpo, dakmesokani ba articlerangko Ocotber 25 tariko Writers’ Meet-o poraina man∙gen.
Seminar Paperrangko October 26 tariko poraina uamangni dongimin ja∙pang kattarang (themes) aro uarangni bipekrangni gimin sebapachinaba u∙iatangaha. Ja∙pangrangko ku∙sik, sea jotani aro daka rikanio pangchake ge 17 bipekrangko donataha jean A∙chik Cultureni bakrang/Aspects of A∙chik Culture, Tribalrangni sea-jota/ Tribal Literature, Ku∙riting/Oral Literature, A∙chik Traditions aro Traditional Knowledge systems, A∙chik Sam/ A∙chik Folk Medicine, Covid -19 somaio jakkalgipa A∙chik Samrang, Wata chenga- Sol∙a –repa (The art of Basketry, Wood Carving), Chengoni doka-dam∙a, chrok- mesaa (Traditional Music and Dance), Literary Theory, Translation Studies, Ku∙sik (Language): Phonetics aro Phonology, Morphology, Semantics, Syntax, Ku∙sik (Language) aro Society, Ku∙sik (Language) aro Literature, Ku∙sik (Language) aro Identity ong∙a
Ia tom∙anio bak ra∙na sikgiparangna programme aro registration-ni bidingo re∙baenggipa sal somoirango u∙iatanggen ineba ALS parakataha.
