East Garo Hills Rongjeng-ni nangrimgimin NGO dolrang Rongjeng Police thana-ni me·chik Sub-Inspector Jacintha Marak-ni songdongenggipa manderangni kosako kragijagipa bewalrangko jakkalanina Superintendent of Police-na chitti see janapatan baksana gipin biapchi apjitatchina mol·molataha. Indakgipa kragijagipa bewalrangko jakkalanichi songdongenggipa manderangna kenani aro ka·dongna man·gijani ong·enga ine NGO dolrang aganangaha.
Police officer-ni kosako, songdoenggipa manderangko kragija kattarangko jakkale kratchaatani, an·tangni kamtangko name ka·gijaniko aro sakgipini neng·nikanirangko ma·sichakgijaniko NGO dolrang janapataha. Uni kam bewalrang saksa police officer-na kragipa ong·ja aro taraken sinjetaniko dakate ja·ku de·china NGO dolrang didiataha.
SI Jacintha Marak-ni pilak namgija kamrangko nigrike songdongenggipa manderangba ka·dongchakna man·agita uko Rongjeng Police thana-oniko gipin biapona ta·rake apjitatchina NGO dolrang mol·molataha.
