Praja Foundation aro National Institute of Urban Affairs (NIUA)-ni bakrime Urban Governance Index 2024-ko parakatanio, songjinmarangko nirok simsakanio ba urban governance-o Nagaland aro Manipur a·dokni ja·mano Meghalaya bon·chotgipani gittamgipa gadangona sokangaha. Ia report-o dam 28 a·dokrang aro ge∙gittam Union territory-rangoniko ge 43 songjinmarangko porikka ra·e niangaha. Iano, Shillong songjinmako chalaianio bang·a mongsonggipa a·barango ja·manchakaniko u·ina man·aha.
Urban Governance Index-ko ming 4 bichongrango pangchake chong·motan seoka man·gipa dilgipani re·dilani aro niam bidikrangni bimang, songjinmako nirokani, songdongenggiparangni bak ra·ani aro kajina ba tangka paisarang man·anio bilakataniko nigrike tosusaaha. Report-o, songjinmarangko chalaianio name dakaniko aro ja·manchakani ba chu·onggijanio pangchake gadangrangko parakataha.
Ia parakatanio, Kerala a·dok songjinmarangko chalaianio nambate dakgipa ong·aha, uni ja·mano Odisha, Maharashtra, Chhattisgarh aro Madhya Pradesh bang∙gijachisan dingtanggrikaha. Praja Foundation aro National Institute of Urban Affairs (NIUA), dam 43 songjinmarang aro ge∙gittam union territory-rango dingtang dingtang gadangni sak 2,213 stakeholder-rang, seokgimin dilgiparang, administration-ko rikgiparang, academic aro civil society-ni member-rang baksa re·rurae am·sandianirangko dakangaha.
