SWGH Ampati-ni Bado Multi Facility Hall-o, Development Commissioner-ni Office (Handicrafts) Shillong, Handicrafts Scheme awareness workshop-ko da·al salo ong·atangaha. Ia workshop-ko Handicrafts Service Centre, Ministry of Textiles ong·atangaha jeon mamanti bosturangko tarina sapgipa manderangna Geographical Indication (GI) registration, e-commerce, GEM Portal, GST-rangni bidingo agantalatangaha.
Workshop-ona Northeast Region office Guwahati-ni Regional Director, workshop-ni miksongani bidingo kandike agananiko dakangaha. Program-o Handicrafts-ni Assistant Director, Rima Sonar, Development Commissioner (Handicrafts)-ni bang·a scheme-rangni bidingo u·iatangaha. Apsandaken, NER Export Promotion Council for Handicrafts (EPC)-ni project officer Bhaskar Barua tarigimin bosturangko gipin biaprangchina watatani dingtang dingtang cholrangko aro GI tagging, PMJJBY, Mudra loan-ni bidingoba agantalate on·angskaaha.
Bon·kamao, sokbagipa manderang baksa uamangni ma·sigijani ba u·igijanirangkoba agan golpogrike tal·e ra·na somoirangko on·angjolaha.
