Batanggimin somoio Tikrikilla-ni bilsi 2 ata ong·gipa bi·sa sakgni poliomyelitis sabisiko man·e giprorona kenengani gisepon nambate porikkako ra·e nina Institute of Serology, Kolkata-ona watate stool test-ko ka·anio negative ba sabisi dongja ine parakataha.
Ia bi·sarangni ki·irangko wild polio ba Virus Derived Pollution Vaccine (VDPV) donga-donggijako nambate porikka ra·e nina Kolkata-ona watataha jeon sakgnion sabisi donggijaniko u·iataha ine Robibar-o Health Minister Ampareen Lyngdoh parakataha. Unbaksana ia sabisiara VDPV ba Immunodeficiency-associated VDPV (iVDPV) ong·ama ong·gijaniko Polio Expert Committee-rang bon·kame porikka ra·e nianiko dakangkugen ine Lyngdoh aganangaha.
Una agreba ia bi·sarango sabisiko naljoke rakkigipako nosto ka·gipa virus dongjan baksana songsalo batgilgilgipa ong·ja ineba Health Minister Ampareen Lyngdoh agandapangaha.
