South Garo Hills a·jao kam ka·enggipa ASHA rangna sanna bannanio nambate dangdike on·a man·agita tablet-rangko mijal salni bako Nilwagre Health & Wellness Centre-o a·jani Deputy Commissioner (DC) Richard Yanthan suale on·angaha. Ia tablet-rangko sualanichi chasong gitalnikri sanna bannanio nambate dangdike on·a ja·ku de·ani ong·a.
Ia tabletrangko jakkale uamang sanna bannanio see rakkigiminrangko ta·rake u·iatna aro dangdike on·a man·anggen. Uamangni manderangna dangdike on·gimin kamrangni bitekoba tablet-o app-rangko jakkale man·a nanggniko kangna cholko on·angan baksana an·seng baljokani bidingo porikka ra·miting somoio nanggipa ja·kurangko ta·rakbate de·na dakchakanggen.
Unbaksana ia ja·ku de·aniara chasong gitalni technology-san ong·aigija nambate simsakna, kam ka·anirangko ta·rakbatatna, altubatatna aro songsalo sanna bannaniko nambate dangdike on·a dakchakanggen ine DC u·iatangaha.
