Ja 35-ni dormaharangko man·kujaniko NGEA-ni a·kangani bidingo GHADC CEM Albinush R. Marak talatengon, uamangni asongchengaoni ja 37-ni dormaharangko on·mananiko ua ja·napangaha. Indake ong·genchimode NGEA ja 35-ni dormaharangko on·kuja ine banoniko a·kangskaenga ine Marak sing·doangskaaha.
NGEA-ni 5th pay-ko on·china dabianiko chu·sokatna ja 3-na nipiltaianiko dakna somoirangko ra·na mol·molaniko NGEA jechakaha. Ja 3 mangmang somoirangko ra·na miksonganiko NGEA maina ra·chakna man·jaenga ine CEM Albinush R Marak sing·doangaha. Indide uamang an·tangtangni batanggimin salrango ong·gija kam ka·anirangko ma·sina ba rim·a man·a kenesa jechakengama ineba ua aganangskaaha. Ja 34-na kingking dormaharangko man·gija dongmitingora uamang maina asonge dongskaaha aro jingjengataniko dakna tusidapani samko on·ahama ine ua sing·doangaha.
Uamangni asongchengaoni ja 37-ni dormarangko sawa ra·chakaha indide council-ni me·mangrangsa rachakangahama ine CEM matnangangaha. Da·o chalaienggipa EC-ni asongchengaoni dormaharangko on·jagenchimode ra·chakna man·gen aro kema bi·naba man·gen. CEM ong·e ia ku·mongdilaniko NGEA-ni jegalanina namen duk man·a aro ra·chakna man·gijagipa ong·a ine CEM agandapangaha.
