Meghalaya a·dokko man∙chengani somoioni da·ona kingkingba Crime Scene Management Department-ko bikotkujani gimin a·sel ong·anirango dosi dakgipa manderangko am·sandina Police Department ba Home Department-rang Sub-Inspector of Police, Deputy Inspector of Police aro gipin officer-rangkosa jakkalna nangkuenga ine saksa social activist Flaming B Marak aganangaha.
Ia kamrangko ka∙nagita ia officer-rang dingtang mancha trainingrangko man∙e skia man·gipa ong∙ja aro name mancha am·sandianirangko dakna changgiparang ong∙jani a·selo bang∙a changon Police Department-rang kakketgipa am·sandiani report-rangko court-o sakki-ko mesokna man·rongja ine Marak aganangaha.
Ia pilak kamrangko nambata gadango mikkangchi ka∙na man∙agita aro dosi dakgiparangni kosako kakketgipa bichalko on·a man∙agita Director General of Police na chittiko seate, sorkariko am·sandianirangko dakna changgipa aro sapgipa-rangko jakkale Crime Scene Management Department-ko bikote on·china Flaming B Marak mol·molangaha.
