Ma·mong sorkari a·songni pilak biaprangon smart meter-rangko tekmanahani gimin Meghalaya-oba a·dok sorkari pilak biaprangon ta·raken tekanggen aro ian dakna nangchomotgipa ong·enga ine Power Minister AT Mondal aganangaha.
Smart meter-ni namgnirangko aganengon, sorkari bijoli jakkalenggiparangko ia meter-ko tekchina didianggen jedakode MeECL department bijoliko niamgri jakkalenggiparangko u·ina aro baditana bijoli tang·doaniko nirokna man·anggen ine Mondal aganangaha. Una agreba ia meter-ko tekaniara bijoliko jakkalenggiparangna nambatgipa ong·gen aro ia meter-ko tekanio bijolini bill-rang bang·e sokgenchimode sorkari iani bidingo niroke kamrangko ka·anggen ineba Mondal agandapangaha
