India a∙songni skanggipa digital lottery kal∙ani a∙dam EasyLottery.in ko mijal salo a∙songni skotong songjinma New Delhi-o Meghalaya a∙dok a∙bachengatangaha. Ia tom∙anio Chief Minister Conrad K. Sangma, Commissioner & Secretary (ERTS) Pravin Bakshi, Meghalaya State Lottery-ni Director M. S. N. Marak aro gipin official-rang bakko ra∙angtokaha.
EasyLottery-ko kal∙e skanggipa gadango chegipana gong 50 crore-ni boksisko on∙angna miksongenga jeon lottery kal∙giparangna ticket breanio aro boksis man∙anio namgipa cholko on∙anggen ine Chief Minister parakangaha. Iako a∙bachengatanichi Meghalaya a∙dokna GST-nigita kajina man∙aniko tang∙doatna ka∙dongsoenga ineba CM aganangaha.
India a∙songo bang∙bata manderangan dingtang dingtang online game-rangko kal∙e somoirangko re∙ate aro kal·aniko dontongna man∙jae tangka paisarangko galaona sokronga. EasyLottery-ko bikotanian indakgipa obostarangoniko naljokatna dakchakanggen jeon chegipa mande boksisrangko man∙e namgniko man∙an baksana chegijagipani ticket-rangko bregipa tangkarangba a∙dokna aro a∙songna kajina on∙gilanigitasa ong∙aigen ineba Sangma agandapangaha.
India a∙songo mande jelbatgipa aro a∙gilsak gimiko digital-ni namgniko jakkalbatgiparangoni ong∙genchimoba, da∙alona kingkingba lottery-ni a∙bao namen ja∙manchakuenga ine Meghalaya State Lottery-ni Director M. S. N. Marak aganangaha. EasyLottery-ko ra∙baanian ia a∙bako dingtang mancha tang∙doatna dakchakanggen ineba Marak aganangaha. Ticket palaniko, boksis on∙ani aro kajina gilaniko digital-nigita ka∙anggenchimoba lottery kolani mangmangsan digital ong∙jawa ine ua parakataha. Lottery kal∙anio maming dakeba machine-nigita togie cha∙bokani dongjawa maina ka∙dongna man∙gipa aro ja∙rikna nanggiparangko jakkalanichi, bon∙kamgipa lottery kolanian rasong mangmango pangchakgipasa ong∙aigen ineba Marak agandapangaha.
Kal·giparangni namnikagita ticket-rangko brena minggitam cholrangko donaha. Skanggipao, Random Selection ba machine an·tangan ticket number-rangko seoke on·gen. Gnigipao, Total Sum Selection ba 1-oni 9-ona number-ko seokna man·gen, jeon ticket number-rangko chandimaniko dakgen. Gittamgipao, Complete Selection jeon kal·enggiparang an·tangni ska ticket number-ko jakgitele seokna man·gen.
EasyLottery-ko kal·e dal·a prize-rangko chong·motan gong Cr 50-ona kingking chena cholko man·gen jean India a·songni itihas-o da·o dipet lottery-rangni gisepo dal·batsranggipa prize ong·enga. EasyLotterry-o draw ka·a changanti skanggipa prize-ko on·telani niam gnang aro chegipako one-letter aro four-digit draw method-chi seokaniko dakgen.
