Re∙baenggipa October 1 oni 8 tarikona Gujarat a·dokni Saurashtra-o ong·atnasienggipa U-19 Women T-20 Trophy-o bakko ra∙nagita BCCI-ni niamo pangchake Meghalaya a∙dokni palo susaatnagita, Meghalaya Cricket Association (MCA)-ni Junior Selection Committee sak 15 susanasigipa aro sak 5 stanby-rangko seokangaha. Ia sak 15 aro sak 5 standby-na seokako man∙giparangna State Preparatory Camp-ko Tura Alotgre kal∙chakram biapo dakangkugen. Uamang U-19 T-20 Trophy-o susaanagita ia jani 28 tariko Gujarat a∙dokona re∙angskagen ine u∙iatangaha.
Ia tournament-o bakko ra∙na seokako man∙giparangara Janika R. Marak, Dawanshisha Warlarpih, Dianchidora N. Sangma, Pilika Marak, Ronjoli Basumatary, Marme M. Sangma, Monica Singh, Shreya R. Marak, Awesa G. Momin, Jayshree Singh, Natasha Rabha, Jaylyn Mary, Julitha Sangma, Adela kmen Lawai, Rosabel Lyngkhoi ong·a. Apsandaken Standby-na seokako man·giparangara Lasusatre Suchiang, Zoya Tasneem, Srijana Chetry, Banri kmen Lyngdoh Tongkhar, Baiashisha Lyngkhoi aro Support Staff-rangara Manager Raju D. Sangma, Head Coach Leonard Wankhar, Assitant Coach Laxman Chettri, Trainer Helyna Sangma aro Physio Lucky Mary Marbaniang ong·a.
