Williamnagar-ni Loyala College-o September 23 oni 27 tarikona Department of Arts and Culture-nigita Umbrella Project-ni ning·o “Simsanggre Exploring Boundaries: Pushing the limits in Performing Art, Visual Art and Fine Art” katta bichongko done workshop-ko ong·atna tik ka·angaha.
Ia Workshop-o jawilwat tariani, dakmesokani, jatni bostu aro songsalo daka rikani bidingo dakmesokna cholko man·anggen. Iano bak ra·nagita gisiko nanggiparang katta bichongo pangchake dakmesokna cholko man·anggen aro bak ra·nagita organizer-rangni dongimin somoio an·tangtangni bimungrangko segatna man·gen ine u·iatangaha.
Workshop-ko ong·atani miksonganiara chasongni kri changa sapaniko tang·doatna aro ma·gitcham pagitchamrangni dakbewal rikbewalko ja·rikna aro ripingnagita cholko ra·baani ong·a ine Art and Culture-ni Director aganangaha. Ia workshop-o bak ra·na sikgiparangna form-rangko Williamnagar District Librarian Office-oniko man·gen ine Director u·iatangaha.
