Meghalaya Cricket Association (MCA), Tura District Cricket Association baksa bakrime bilsi 19-ni ning·o ong·gipa me·chikrangna Tura Alotgre Stadium-o Cricket Camp-ko ong·atangenga. Ia camp-ko September 5 tarikoni a·bachengataha jekon September 27 tarikona ong·atanggen. Ia camp-ko ong·atani miksonganiara, a·dokni changgipa sapgipa chadamberangko ma·sie ra·na aro uamangna skie on·e mikkangchi national-level tournament-rango susaatna tarisoani ong·a.
Ia camp-o Meghalaya-ni dingtang dingtang a·jarangni chu·gimik sak 30 me·chik chadamberang bakko ra·angenga jeon camp-ko ong·ataoni September 10 tarik-ona ranta ka·anirangko dakate seokanirangko dakanggen. Ia ranta ka·atani somoirango uamangni sapanio pangchake dolna sak 15-ko seokanggen aro gipin sak 5-koba seokdape ja·mano kal·na cholrangko on·anggen. Seokako man·gipa sak 15 aro gipin sak 5-rangko tik ka·gimin tarikona ranta ka·atangkugen.
Ia camp-o seokako man·giparang a·song gimiko bilsi 19-ni ning·o ong·gipa Cricket susaanirango Meghalaya a·dokni palo kal·anggen. Bakko ra·enggipa sak 30-oni sak 4 West Garo Hills-oni, sak 5 South Garo Hills-oni, sak 1 North Garo Hills-oni aro gipin sak 15 rang Khasi Hills-ni dingtang dingtang a∙jarangoni ong∙skaa.
