Deputy Chief Minister Sniawbhalang Dhar, uni kosako ong·gija aro kragijagipa kattarangko agananina Congress State President Vincent Pala-na legal notice-ko on·ate kema bi·an baksana gong 100 crore-ko gamchina u·iataha. Congress State President Vincent Pala, Dhar-ko CBI-ni simsakanio ong·genchimoba Rashtriya Swayamsevak Sangh (RSS) aro Bharatiya Janata Party (BJP)-na ku·wattimgipani kamko ka·enga ine matnange aganangaha. Unbaksana pekatgipa bosturangko badingsrukanio jak donga jean namjabegipa kam ong·a ineba matnangangaha.
Pala-ni matnanganina Dhar bakan ra·chake uni agananirangko kakket ong·gijagipa aro maming pangchakani grigipa ong·a ine aganchakatskaaha. Pala-ko uni kattarangko ra·pile, pilak niksenggipa songbat koborrango kemako bichina Dhar didiataha. Unbaksana press conference-o Pala-ni agangimim kattarangko online gatatgiparangko ra·galchina Dhar u·iatangaha. Mikkangchi apsan gualaniko daktaijachinagita Pala-ko an·tangni jakchi see on·chinaba Dhar uko janapangjolaha.
Iarangko dakna man·jagenchimode Pala-ni kosako niamo pangchake raka ja·kuko de·angna Dhar aganangaha. Chief Minister Conrad Sangma, iani bidingo talatengon ia matnanganiara pangchakna man·gijagipa ong·a aro opposition-ni mikkang ki·sang nigijaniko uamangni katta aganarangon ma·sina man·a ine aganangskaaha.
