South Garo Hills Gasuapara-ni chadambe sakgni I-League 3rd Division-o kal∙angna seokako man·anga. Ia sakgni chadamberangara Gasuapara Kaa Challang Club oni ong·a aro uamang batanggimin salrangoba club-ni gita Bhopal Madan Maharaj FC ona watatako man·e seokako man·angaha jeon uamang Thailand a·songo ong·atgipa Surin KCM FC-oba kal·na cholko man·angaha.
I-Leauge 3rd Division Bhuna FC-ona seokako man·e uamang skanggipa kal·aniko 2024 September 3 tarik o kal·angaha. Ia kal·anio seokako man·gipa chadamberangara Gasuapara songni Katchan R Marak (Mid fielder) aro Bitto M Sangma (Goalkeeper) ong·a.
