September 3 tarik, Mongolbar salo Asian Development Bank (ADB)-ni Environmental Expert dolrang Tura Government Boys Higher Secondary School, Tura Public School, Tura Govt. College aro DIET-ona re∙ange nirokeaniko dakangaha. Ia somoio District Manager Choosewell R. Marak baksa ADB-ni official-rang nirokangaha jeon uamang Principal aro skigiparangkoba gronge adita chanchirimangaha.
Ia bidako pakwatgipa a∙damrango poraienggipa chatro chatrirangna kutturi, toilet, ringani chi, jabol galchakram aro mikka chiko ripingani cholrangni bidingo ADB dolrang am∙sandianiko dakangaha. Unbaksana Tura Public School aro Rongkhon DIET-o gitalgipa building-rangko rikna dongimin biaprangkoba nirokangjolaha.
