All Garo Hills SSA School Teachers Association (AGHSSASTA), uamangni dormaharangko anti gnini gisepo bariatchina a·dok sorkarina somoiko on·angaha. Uamangni dabianiko ia anti gnio sorkari knachakjaode a·dok gimiko jingjengatanggen ine mikrakaniko AGHSSASTA-rang u·iataha. Re·anggipa chango sorkari rikanggipa Congress dolni 2016 bilsio dormaharangko bariataoni da·ona kingking MDA sorkari bariatdapa dongkuja ine neng·nikaniko man·enggipa skigiparang parakataha.
Ua somoirango Lower Primary skulni skigiparang gong hajal 19,044 aro Upper Primary gadango gong hajal 20,493 dormaharangko ra·chakaha. Unoni dipet da·ona kingkingba dormaharangko bariata dongkuja aro ia tangkarang chasongni chasongna bosturangni damrang batroroani a·selo gamchataniba komirikrikenga. AGHSSASTA, uamangni dormarangko ta·raken bariatchina nangnikaniko parakange, ian SSA skigiparangni itihas-o dormahara bariatanio ru·utbatgipa ong·gen ine LG Momin dabiatangko mikkango done aganangaha.
