South West Garo Hills, Ampati-o District Sports Office-ni ong·atanggipa chang 4 gipa Women Football Tournament 2024 name matchotangaha. Ia tournament-o a·jani gisiko nanggipa dol 8 wilwilao donggipa songrangoni bakko ra·angaha jean me·chikrangni football-na gisiko nangani batroroaniko mesokani ong·a.
Bon·kamgipa final susaanio, Krimkro FC nambee kal·anichi Sister United dolko goal 4-0 chi amate 4 gipa Women Football Tournament 2024-o chegipa ong·aha. Ia bilsini susaanio Krimkro FC doloni Khasmi M. Marak Best Player aro Bonkam Sangma Highest Scorer awark-ko man·angaha. Best Goal keeper award-ko Sister United doloni, gisiko nange aro changa sapaniko mesokanina Simchira M. Sangma man·angskaaha.
Trophy aro medal-rangko South West Garo Hills a·jani District Sports Officer-ni jakchi on·angaha.
