August 30 tarik, Sukrobar salo Selsella-ni NGO dolrang apsan bakrime jolni manderang baksa Public rally-ko ka·anga.
Ia rally-ko ong·atani miksonganiara Selsella-Balachanda rama namsrangijako galchipe tarichipgija donani gimin sorkari aro daito donggipa department-rangko an·tangtangni kam ka·na nanggniko u·iatna ia ja·kuko de·angaha ine NGO dolrang parakangaha. Una agreba songni manderang an·tangtangni tangka paisa mangmangkon bikotna neng·nikanirang donganina Selsella-o ATM machine-ko ta·rake songe on·chinaba uamang dabiangjolaha.
Ia rally-o dingtang dingtang NGO dolrang, senior citizenrang, Nokmarang aro chatro chatrirang bakko ra·angtokaha.
