West Garo Hills-ni Anti-Narcotics Task Force (ANTF), pekatgipa bosturangko badingenggipa manderangko a·jani dingtang dingtang biaprangoniko am∙sandianiko dakange Tura, Rongram aro Phulbari joloni adita bako donggipa manderangko rim∙na man∙angaha ine koborna parakataha.
Re·anggipa antisani gisepon, ANTF dolrang Tura joloniko heroin ge 80 tima, mobile phone aro tangka paisarangko pekatgipa bostuko badinggipa manderangoniko man·aha. Unbaksana Phulbari joloniko heroin ge 60 tima aro Rongram joloniko heroin ge 171 timarangko man·angaha.
Pekatgipa bosturangko badinggipa manderangko u∙igenchimode sepangbatgipa thanaona u·iatpachina WGH-ni Superintendent of Police Abraham T. Sangma sakantikon didiangaha. Iani bidingo nambate talbatna sikgenchimode Police Control Room (PCR) ni mobile +918837423053, +917005530510 aro +919089199064 rangona ka·ate sing·atna man·gen ineba u·iatangaha.
Una agreba iani bidingo maiba u·ianirang donggenchimode ka·mao on·gimin a·jani dingtang dingtang Police Station-ni mobile number-rangona ka·ate kobor on·pachinaba mol·molataha.
Tura PS: +919485025233, Hallydayganj PS: +919485025234, Araimile PS: +919485025238, Jengjal PS : +916009308858, Phulbari PS: +916009308859, Dadenggre PS: +916009308860, Dalu PS: +916009308862, Tilkrikilla PS: +916009308863, Rajabala PS: +916009308897, Tura Women PS: +916009308960
