Trinamool Congress (TMC)-ni dilgipa aro a·dokni gitcham Chief Minister Dr. Mukul Sangma, Northeast (NE) a·dokrangni dingtang dingtang biaprango pekatgipa bosturangko badinggiparangko rim·anirangko niksorongna man·e ia bosturangko badinganirang batroroenga ine aganangaha.
Northeast-o bang·a pekatgipa bosturangko badinggiparang gnang aro uamangni ki·sango bang·a dal·dalgipa manderangni jak donga jekon ma·mong sorkarini nirokatna nangenga ineba Sangma aganangaha. Una agreba a·dokni Deputy Chief Minister Sniawbhalang Dhar indakgipa badinganirango jak dongani gimin sing·on iani bidingo darangkoba agana man·ja aro mikkangchina namen simsakna nangchongmota ine Sangma agandapangaha.
