Bangladesh-ni Awami League party-ni dilgipa Ishaque Ali Khan Panna-ni manggisiko re·anggipa August 26 tariko Dona Bhoi songoniko man·aha ine East Jaintia Hills-ni Pulis dolrang parakangaha. Dona Bhoi song EJH a·jao ong·a jean India-Bangladesh sima ariona 1.5 km mangnigita chel·grika.
Uni manggisiko Khliehriat Civil Hospital-ona ra·ange post mortem ka·angaha. BSF aro EJH Pulisni koborna parakatanigitade Panna-ko Bangladesh-ni Donna Cherra songni manderang ba Bangladesh-ni Border guard rang gitoko rim·geke so·otaha jekon India a·songo uni manggisiko galangskaaha.
Panna, saksa Awami League-ni dilgipa ong·e Bangladesh-ni gitcham Prime Minister Sheikh Hasina-ni sorkari be·gruaonin kate chake dongenga ine u·ina man·aha.
Ia a·sel ong·ani ja·pangko forensic test ka·ani ja·manosa talbatgen ine Deputy Chief Minister Prestone Tynsong aganangan baksana ma·mong sorkarinigita nanggipa ja·kurangko de·angenga aro a·dok sorkarinigita ka·na nanggni kamara manggisiko mahari madrangona sokatanisan ong·aia ineba parakangaha.
