A·doko tourism-ni a·bako tang·doatna tourist-rangni re·ronggipa dingtang dingtang biaprango rika cho·anirangko daknagita gong 1,540 crore tangkarangko man·soaha ine Tourism Minister Paul Lyngdoh da·alni Assembly session-o parakangaha.
Iako aganengon tourism-ni a·bao mongsonggipa mingsa kam ka·na nanganiara, Meghalaya Eco Tourism Infrastructure Development project jekon New Development Bank-nigita dingtang mancha gong 730 crore tangkarangko chamataha ine Lyngdoh aganangaha. Ia project-ko ra·baaniara mongsonggipa tourist-rangni re·ronggipa biap jekai Sohra, Shillong aro Tura-o nitobegipa rika cho·anirangko dakna miksongani ong·a ine janapangaha.
Unbaksana Meghalayan Age Cave aro Sohra-o nitobegipa chidarerangko re·e nina man·agita namdapataniko ra·bana Swadesh Darshan 2.0 scheme-ni ning·o gong 60.29 crore tangkarangkoba man·dapaha ineba Lyngdoh aganangaha. Una agreba Swadesh Darshan 2.0-ni bakgita Challenge-Based Destination Development scheme-ni ning·o gong 750 crore tangkarangkoba a·dok sorkari man·aha ine Tourism Minister Paul Lyngdoh agandapangaha.
