India a·songo politics-ni a·bao adita dingtanganirang ong·baani gimin National Party-rang jekai BJP aro Congress dolrang an·tangtangni skagita dakna man·angjawaha ine TMC-ni dilgipa aro Meghalaya-ni gitcham Chief Minister Dr. Mukul Sangma koborna parakataha. Iako aganengon batanggipa Lok Sabha election-oba BJP aro Congress dolrang bang·a seatrango chegen ine ka·donge agangenchimoba pu·onani ja·manon uamangni agansamsoagita ong·jaha aro bang·bata a·dokrangon national party-rang regional party-rangni dakchakanichisa sorkariko rikna nangenga ineba Sangma aganangaha.
Mikkangchi Parliament-o regional party-nigita sak 200 MP-rangko nikna man·gen jeon BJP aro Congress an·tangtangni bil mangmangchi maming dakeba sason ka·na man·jawa. Indake ong·engon a·song gimiko dingtangani sokbajokon national party-rangni sason ka·aniko bon·atan baksana regional party-rangming bakrimna nangtelaona ga·akgen ine Dr. Mukul agandapangaha.
