India a·songo August 19 tariko, demechikrangna ba nogiparangna minge manironggipa Raksha Bandhan-ko mijal salo President Droupadi Murmu, Rashtrapati Bhavan-o chadamberang baksa maniangaha. Maniani bako ma·mong sorkarini Education Minister Dharmendra Pradhan, Minister of State Jayant Chaudhury, Secretary DoSEL, gipin dilgiparang aro Ministry of Education-ni adita official-rang bakko ra·angtokaha.
Ia manianiona, India a·songni dingtang dingtang a·dokrangni chadamberang sokangtokaha. Meghalaya a·dokoniba jattangni ganding chindingrangko ganne chong·motan Khasi, Jaintia aro Garo jatni adita chadamberang manianio bakko ra·angtokaha. Tura songjinmaoni, Government Girl’s Higher Secondary School-o class XI science-ko poraienggipa Kumari Avatia Ch Marak, ia maniao dongpana cholko man·giparangoni saksa ong·aha.
Maniani bako India a·songni President Droupadi Murmu, chadamberangna naljokatna jako kagipa budurangkoba kaangaha. Be·en bimangnigita bilgriako man·gipa bi·sarangba ia manianiona sokbatokaha aro President baksa agangolporimangaha.
