West Garo Hills, Tura Hawakhana-ni Indoor Sports Hall-o chang gnigipa West Garo Hills District Badminton Championship 2024 kal·susaani da·al attamni bako chu·sokgipa ong·e matchotangaha. WGH a·jani Batminton kal·giparangni susaani bon·kamgipa salo a·dokni skotong Minister Conrad Sangma-ba mongsonggipa sokgipa ong·e bakko ra·angaha. Ia susaaniona West Garo Hills a·jani Deputy Commissioner, Jagdish Chelani aro West Garo Hills-ni District Sports Officer Saljagring M. Marak, ma·aparang, gisiko nanggipa ia sports-ko namnikgiparang, official-rang, association-ni manderang re·bae an·saobegipa suaaniko niangaha.
Chang gnigipa WGH Badminton Championship kal·susaaniko re·anggipa August 15 tarikoni salgittamna Tura Badminton Association (TBA) baksa District Sports Office Tura nangrime ong·atangaha. Ia Badminton kal·susaaniko West Garo Hills a·jana mangmangsan ong·atani miksonganiara a·jani ning·o nambate kal·na changgipa chadamberangko basee uamangko West Garo Hills a·jani palo State Level-o kal·na seoknagita ong·atangaha. Pilak bakko ra·giparang chu·gimik sak 102 mang chadamberang gisiko nange susaanga jeoni sak 71-de me·asarang aro sak 31 me·chikrang ong·a.
WGH Badminton Championship 2024-ko me·a aro me·chikrangna bilsi 11, 13, 15, 17, 19-ni ning·o ong·gipa chadamberangna aro senior level-naba ong·atangaha. Iako me·a aro me·chik chadambe bilsi 19-ni ning·o ong·giparangna singles, doubles aro mixed doubles, men’s singles, women’s singles, men’s doubles, women’s doubles aro mixed doubles gadangrango done kal·ataha.
Ia kal·susaanio chegiparangara, U-11 Boy’s Singles-o Jiyone Hajong, U-11 Girl’s Singles-o Samarah D. Shira, U-13 Boy’s Singles-o Cheyyziel K Sangma, U-13 Girl’s Singles-o Urvi Ghosh, U-15 Boy’s Singles-o Sixbirth Marak, U-15 Girl’s Singles-o Eladah Gasa G. Momin, U-15 Boy’s Doubles-o Sixbirth M. Marak aro Dezio P. Marak, U-15 Girl’s Doubles-o Keemaya Agarwal aro Eladah Momin , U-17 Boy’s Singles-o Sixbirth Marak, U-17 Girl’s Singles-o Rashmi Boro, U-17 Boy’s Doubles-o Dezak Rocco G. Momin aro Dev Arora, U-17 Girl’s Doubles-o Patisa Sangma aro Rashmi Rao, U-19 Boy’s Singles-o Bishwajit Ghosh, U-19 Girl’s Singles-o Sengte Wasa D. Shira, U-19 Boy’s Doubles-o Gaurav Dutta aro Bishwajit Ghosh, U-19 Girl’s Doubles-o Amara K. Sangma aro Sengte Wasa D. Shira, Men’s Singles-o Gitchiak Bregim A. Sangma, Women’s Singles-o Sengte Wasa D. Shira, Men’s Doubles-o Gitchiak Bregim A. Sangma aro Chirag Agarwal, Women’s Doubles-o Lizalisha Ch. Marak aro Sengte Wasa D. Shira, senior level Mixed Doubles-o Lizalisha Ch. Marak aro Mikkim Sangma chegipa ong·aha.
Zayan Khan Islam aro Amelia D. Marak ia kal·susaanio Most Promising Player-ni boksisko man·angaha. Ia kal·susaanio pilak chegipa chadamberangna Certificate-rang aro Trophy baksana adita tangka paisarangkoba on·angaha.
Da·o re·baenggipa August 28 tarikoni 31 tariko ong·nasienggipa chang 39-gipa State Championship Tournament kal·susaanio pangchake U-13 Boy’s Singles-ni gadango kal·susana Sixbirth M. Marak, Cheyyziel K. Sangma, Jiyone Hajong aro Abhiraj Dutta, U-13 Boy’s Doubles-o kal·na Sixbirth M. Marak aro Cheyyziel K Sangma, Jiyone Hajong aro Abhiraj Dutta, U-15 Boy’s Singles-na Sixbirth M. Marak, Dev Arora, Dezio P. Marak, Dejak Rocco G. Momin, U-15 Boy’s Doubles-ni gadango susana Dejak Rocco G. Momin aro Dev Arora, Dezio P. Marak aro Arnothy Ch. Sangma, U-17 Boy’s Singles-na lerang N. Marak, Dezio P. Marak, Akish Ch. Marak, Dejak Rocco G. Momin, U-17 Boy’s Doubles-na Ierang N. Marak aro Dev Arora, Akish Ch. Marak aro Arnothy, U-19 Boy’s Singles-ni gadango Biswajit Ghosh, Gaurav Dutta, Ardie Arengh, Argyano A. Sangma, U-19 Boy’s Doubles-na Biswajit Ghosh aro Gaurav Dutta, Ardie Arengh aro Argyano A. Sangma, U-19 Girl’s Singles-na Sengte Wasa D. Shira, Amara K. Sangma, U-19 Mix Doubles-na Sengte Wasa D. Shira aro Gaurav Dutta, Biswajit Ghosh aro Amara K. Sangma, Men’s Singles-ni gadango kal·susana Gitchiak Bregim A. Sangma, Brainygo K Marak, Chirag Agarwal, Denzil Marak, Men’s Doubles-na Gitchiak Bregim A. Sangma aro Chirag Agarwal, Brainygo K. Marak aro Mikkim J. Sangma, Women’s Singles-na Wandahun A. Sangma, aro Mixed Open Doubles-na Sengte Wasa D. Shira aro Abhaku A. Sangma, Mikkim J. Sangma aro Wandahun A. Sangma-ko Tura Badminton Association-nigita West Garo Hills a·jani palo kal·na seokangaha.
