Wasosi 10, 2025
RNI No. - MEGGAO00012
  • Home
  • Contact
Ku∙rongdik
  • Meghalaya
  • North East
  • National
  • International
  • Editorial
  • Entertainment
  • Sports
No Result
View All Result
Ku∙rongdik
Home Meghalaya

Rapture jawilwatko mesokani skanggipa salo dal·a chu·sokaniko man·a

Ku∙rongdik by Ku∙rongdik
16 Sampang 2024
in Meghalaya
0
Rapture jawilwatko mesokani skanggipa salo dal·a chu·sokaniko man·a
0
SHARES
10
VIEWS
Share on FacebookShare on Twitter

International gadangona sokanggipa film Director Dominic M. Sangma-ni ‘Rapture’ ba ‘Rimdogittanga’ jawilwatko Tura District Auditorium-o mesokani skanggipa salo jean a∙songo jakgitel ong∙ani salko maniengon bang·a manderangni re∙bae nianiko nikangna man∙aha. Ia skanggipa salo, dal·dalgipa manderang, ma·gipa pagiparang, chadamberang aro jawilwato dakmesokgipa bang·a kal·giparangan sokbatokaha. Tura songjinmao songdonggiparangsan ong·aigija Garo Hills-ni gipin bakrangoniba re·bae nina cholko ra·tokaha.

Ia jawilwatko skanggipa 11:30 bajio mesokna a·bachengaha jeon manderang dri dri dake chadenge nina sengtokaniko nikangaha. Gnigipako 2:30 bajio mesokangaha aro gittamgipako 5:30 bajio mesokangskaaha. Mijal attamni 5:30 somoio mesokgipa ticket-rangko bon·e palnangaha jeon auditorium-ni chu·gimik asongchakani biapo 580 seat-mango niangtokaha. Ia jawilwatko nina a·jani Deputy Commissioner Jagdish Chelani, SP Abraham Sangma, Retired MCS officer-rang, Professor-rang aro gipin niksenggipa manderangba re·batokaha.

Re·anggipa salrangoba ia jawilwatko France a·songni dam 150 theatre-rango mesokangaha. Ia jawilwat hajalni hajal jawilwatrang baksa susae seokako man·e chu·a gadangona sokangaha aro da·o dipet adita award-rangkoba man·angaha. Ian A∙chikrangni gisepo skanggipa international-ni gadango chu·sokanggipa ong·a, jean Garo Hills-o mesokanioba skanggipa salon dal·bea chu·sokaniko nikna man·aha.

Ia jawilwatko Director Dominic Sangma ni dakdilanio chu∙sokatna man∙genchimoba Tura songjinmani saksa sapgipa Eva Gunme Marak-ni producer ni kamko ka∙e indakgipa gadangona sokatna man∙aha aro Garo Hills ni manderangna name dake mesokanikoba dakangna man∙enga. Ia skanggipa salo adita nina re∙bagipa manderang uamangni gisiktango chanchichipe donganirangkoba Director Dominic Sangma aro jawilwato kal∙gipa manderang baksa golporimange sing∙anirangkoba dakangaha.

Indake A∙chik a∙songo bang∙a manderangni ia jawilwatko nina re∙baaniko nike Eva Gunme Marak aro Dominic Sangma uamangni mittelpilskaani kattarangkoba aganangaha. Manderangna ia jawilwatko mesokangna dingtang mancha Department of Art and Culture, Directorate of Information and Public Relations (DIPR) aro gipin departmentrangba bakrime kamrangko ka∙angtokaha.

Rapture jawilwat India a∙songo aro gipin a∙songrangchiba namen niksenganiko man∙enga jekon Tura songjinmao mesokangna cholko man∙aniba mingsa chu∙sokaniko mesokangaha. Ia jawilwatchi dingtang mancha A∙chikrangni dakmesokaniko aro changa sapaniko agilsak gimikna mesokangna cholkoba on∙angaha jean Meghalaya a∙dokna namen rasong chabeani katta ong∙chongmota.

Tags: Dominic SangmaGaro NewsRaptureRimdogittangaTura
Previous Post

A·dokni medical college-rangko bilsi gnini gisepo a·bachengatgen: Conrad Sangma

Next Post

Meghalaya-ni gitcham Chief Minister Salseng Marak a∙gilsakko watanga

Related Posts

kurongdik_main_logo
Meghalaya

Lekka pancha chu∙onggipa garirangko darangba champengna bil dongja: DTO

10 Wasosi 2025
India a·songo dal·batsranggipa Football Stadium ko Meghalaya-o rikgen; ge 50 artificial turf rangko 2027 bilsio matchotatgen: CM
Meghalaya

India a·songo dal·batsranggipa Football Stadium ko Meghalaya-o rikgen; ge 50 artificial turf rangko 2027 bilsio matchotatgen: CM

9 Wasosi 2025
Biterangko ge·e cha·giparangko tang·doatna dolgittamni gisepo MoA ko soi ka·grika
Meghalaya

Biterangko ge·e cha·giparangko tang·doatna dolgittamni gisepo MoA ko soi ka·grika

9 Wasosi 2025
Power Minister AT Mondal
Meghalaya

Bijoli nanganina chu·ongagita tarisamsona gong 2,270 crore-ko ma·mong sorkarioni dakchakaniko am·a

9 Wasosi 2025
Ganol chibima rikamniko mande saksani manggisiko man·a
Meghalaya

Ganol chibima rikamniko mande saksani manggisiko man·a

8 Wasosi 2025
MTET Passed Candidates Association dolrang Education Minister-na memorandum-ko on·anga
Meghalaya

MTET Passed Candidates Association dolrang Education Minister-na memorandum-ko on·anga

8 Wasosi 2025
Next Post
Meghalaya-ni gitcham Chief Minister Salseng Marak a∙gilsakko watanga

Meghalaya-ni gitcham Chief Minister Salseng Marak a∙gilsakko watanga

RECOMMENDED NEWS

kurongdik_main_logo

Lekka pancha chu∙onggipa garirangko darangba champengna bil dongja: DTO

10 Wasosi 2025
India a·songo dal·batsranggipa Football Stadium ko Meghalaya-o rikgen; ge 50 artificial turf rangko 2027 bilsio matchotatgen: CM

India a·songo dal·batsranggipa Football Stadium ko Meghalaya-o rikgen; ge 50 artificial turf rangko 2027 bilsio matchotatgen: CM

9 Wasosi 2025
Biterangko ge·e cha·giparangko tang·doatna dolgittamni gisepo MoA ko soi ka·grika

Biterangko ge·e cha·giparangko tang·doatna dolgittamni gisepo MoA ko soi ka·grika

9 Wasosi 2025
Power Minister AT Mondal

Bijoli nanganina chu·ongagita tarisamsona gong 2,270 crore-ko ma·mong sorkarioni dakchakaniko am·a

9 Wasosi 2025
Chang 134-gipa Indian Oil Durand Cup-ko a·bachengna skang trophy-rangko mesokanga

Chang 134-gipa Indian Oil Durand Cup-ko a·bachengna skang trophy-rangko mesokanga

9 Wasosi 2025
Ganol chibima rikamniko mande saksani manggisiko man·a

Ganol chibima rikamniko mande saksani manggisiko man·a

8 Wasosi 2025

BROWSE BY CATEGORIES

  • Editorial
  • Entertainment
  • Featured
  • Features
  • International
  • Meghalaya
  • National
  • North East
  • Sports
  • Uncategorised

BROWSE BY TOPICS

2024 Lok Sabha Election ACHIK AHAM Ampareen Lyngdoh Ampati Assam Baghmara bjp Chokpot Congress Conrad Sangma East Garo Hills Education Department Education Minister Rakkam Sangma Garo Hills Garo News GHADC GSMC GSU Lok Sabha election 2024 Manipur MeECL Meghalaya Meghalaya Cricket Association Meghalaya Games 2024 Meghalaya Police NEHU NGO North Garo Hills NPP PHE Rakkam Sangma reservation policy Resubelpara Saleng Sangma Selsella Shillong South Garo Hills South West Garo Hills SWGH TMC Tura West Garo Hills Williamnagar Winter Capital

POPULAR NEWS

  • Tura, Bokmagre-o dumper truck bolgniko wa·al so·a

    Tura, Bokmagre-o dumper truck bolgniko wa·al so·a

    0 shares
    Share 0 Tweet 0
  • Songsak jolo truck aro bike a·sel ong·e mande saksa a·damon janggi gala

    0 shares
    Share 0 Tweet 0
  • Tura Walbakgre bajaro bike aro scooty chatinggrike a·sel ong·a

    0 shares
    Share 0 Tweet 0
  • MBOSE HSSLC result ko May ni 8 tariko parakatgen

    0 shares
    Share 0 Tweet 0
  • Pakistan a·songna chake agangipa NGH-ni chadambe sakgniko police-rang rim·a

    0 shares
    Share 0 Tweet 0
Ku∙rongdik

© 2024 Ku∙rongdik
RNI No. - MEGGAO00012

Navigate Site

  • Meghalaya
  • North East
  • National
  • International
  • Editorial
  • Entertainment
  • Sports

Follow Us

No Result
View All Result
  • Meghalaya
  • North East
  • National
  • International
  • Editorial
  • Entertainment
  • Sports

© 2024 Ku∙rongdik
RNI No. - MEGGAO00012