Meghalaya a∙dokni gitcham Chief Minister Salseng C Marak adita sal somoirangna be∙en-nigita bilgrianiko man∙e da∙al pringni gisepo a∙gilsakko watangaha. Uko re∙anggipa August 8 tariko Tura Holy Cross Hospital-ona sanna bannaniko dakna rimbaaha aro August 12 tariko Tura Civil Hospital-ona nambata sannaniko dakna rimangskaaha jeon bon∙kame ua bilsi 82-o jringjotna janggi galchotaha.
Salseng Marak Meghalaya a∙dokni 6 gipa Chief Minister ong∙e 1993 bilsioni 1998 bilsiona kamko ka∙angaha jean North Garo Hills a∙jani Resubelpara constituency-ni MLA ong∙anga. Ua 1947 bislio atchie Kolkata-ni Scottish Church College-o bidako man∙bagipa ong∙a aro uni dilna sapani aro namgipa gun-nasan ong∙aigija rongtalgipa politics-ko rakkironganina uko namen mingsingbea.
